Gadewch i ni roi stop ar gam-drin

Rydym wedi lansio ymgyrch newydd i amlygu risg y cynnydd mewn cam-drin domestig yn ystod Cwpan pêl-droed y Byd, gan annog pobl i ‘roi stop ar gam-drin’ gan adrodd amdano mewn ffordd ddienw wrth ein helusen.

I rai pobl, mae meddwl am gêm bêl-droed yn codi ofn arnynt.  Mae nifer o bartneriaid ar bigau drain am wahanol reswm – ac nid yw hwnnw’n rheswm da – pan fydd gêm ymlaen.

Mae Cwpan y Byd yn ŵyl bêl-droed eiconig ac mae’n gallu dwyn cryn lawenydd pan fydd eich tîm yn ennill – a thorcalon os byddant yn colli.  Mae’n drasig nodi y bydd rhai teuluoedd wastad yn cysylltu diwrnod y gêm gyda’r anafiadau a’r trawma y bydd un o’u hanwyliaid wedi’i ddioddef oherwydd cam-drin domestig.

I nifer o ddioddefwyr, gall fod yn anodd iawn estyn allan am help neu adrodd am gamdriniaeth;  gallai adroddiad gan drydydd parti ddiogelu’r dioddefwr, gan achub bywyd hyd yn oed.

Gall ymddygiad camdriniol ddigwydd mewn unrhyw berthynas ac i unrhyw un – gwryw, benyw, oedolyn neu blentyn. Dyma rai o’r arwyddion y gallai rhywun fod yn profi camdriniaeth yn eu perthynas...

Adnabod yr arwyddion

• Bydd eu partner yn eu bychanu o flaen pobl arall
• Maent yn gofidio’n barhaus am wneud eu partner yn ddig neu’n grac
• Maent yn gwneud esgusodion dros ymddygiad eu partner
• Mae eu partner yn genfigennus neu’n feddiannol iawn 
• Mae ganddynt farciau neu anafiadau na allant eu hesbonio
• Maent wedi stopio treulio amser gyda ffrindiau a theulu
• Maent yn teimlo’n isel neu’n ofidus, neu rydych chi’n sylwi ar newidiadau yn eu personoliaeth

Os oes gennych chi wybodaeth am gam-drin domestig, ac nid chi yw’r dioddefwr, gallwch ddweud wrthym yr hyn yr ydych yn ei wybod ac aros yn hollol ddienw – rydym yn addo hynny.  Yr unig un a fydd fyth yn gwybod eich bod wedi cysylltu gyda hi – fyddwch chi.

I gyfleu gwybodaeth am droseddu mewn ffordd holl ddienw, ffoniwch ein Canolfan Gyswllt 24/7 yn y DU ar 0800 555 111. Neu llenwch ein ffurflen ar-lein ddiogel, yma ar ein gwefan.

Mewn argyfwng, neu os byddwch yn gweld trosedd yn digwydd, ffoniwch yr heddlu ar 999 neu 101.

Mae Crimestoppers yn addo y byddwch yn aros yn hollol ddienw, sy’n golygu bod pobl sy’n ein ffonio unrhyw bryd ar 0800 555 111 neu sy’n cysylltu â ni ar-lein yn gallu rhoi gwybod yr hyn y maent yn ei wybod, heb nodi unrhyw fanylion personol.

Ni fydd cyfeiriadau IP cyfrifiaduron fyth yn cael eu holrhain.  Ni chaiff galwadau ffôn eu recordio, nid oes cyfleuster dangos llinell y sawl sy’n galw ac nid oes cyfleuster 1471.

A ydych chi’n dioddef cam-drin domestig?

Oherwydd ein haddewid i gadw pobl yn ddienw, ni allwn gymryd gwybodaeth gan ddioddefwyr troseddau. Mewn argyfwng, dylech wastad ffonio 999.

Os nad yw’n argyfwng ac os nad ydych yn dymuno ffonio’r heddlu, cysylltwch â Llinell Gymorth Genedlaethol Cam-drin Domestig, sydd ar gael 24 awr y dydd, ar y rhif rhadffôn 0808 2000 247 – ac mae hon ar gael 7 niwrnod yr wythnos.  Caiff y linell gymorth ei rhedeg gan Refuge, elusen yn y DU sy’n darparu cymorth arbenigol i fenywod a phlant sy’n profi cam-drin domestig.  Mae cyfleuster sgwrsio byw ar gael o ddydd Llun i ddydd Gwener, rhwng 3 a 10pm trwy droi at www.nationaldahelpline.org.uk.

Find out more about the help & support available, both nationally and locally

Mae’r ymgyrch hwn yn datblygu ymgyrchoedd blaenorol Crimestoppers.  Dyma ddwy astudiaeth achos ddienw go iawn gan Crimestoppers, sy’n dangos sut yr oedd achos o gam-drin domestig wedi gwaethygu – a sut yr oedd gwybodaeth a roddwyd i ni yma yn Crimestoppers wedi helpu i roi stop arno:

Unigolyn risg uchel, a oedd yn cam-drin ei bartner, yn cael ei ddal ar ôl bod ar ffo am flynyddoedd

Gall effeithiau cam-drin domestig fod yn helaeth a gallant bara am oes, a chynnwys iselder, gofid, a phroblemau iechyd meddwl.  Roedd troseddwr mynych a oedd yn beryglus i fenywod wedi bod ar ffo am sawl blynedd.  Roedd wedi parhau i droseddu wrth osgoi cyfiawnder.  Diolch i wybodaeth Crimestoppers, fe’i daliwyd gan yr heddlu, a bu’n rhaid iddo wynebu canlyniadau ei weithredoedd o’r diwedd. 

Cyhuddo cyflawnydd cam-drin domestig a oedd wedi torri amodau mechnïaeth

Cafodd Crimestoppers wybodaeth am iechyd a lles unigolyn yr oedd eu partner yn torri amodau eu mechnïaeth cam-drin domestig.  Diolch i’n gwybodaeth ni, daethpwyd o hyd i’r cyflawnydd, a’i gyhuddo.

Check out our Keeping Safe domestic abuse page for more information